വാറങ്കൽ രൂപതയ്ക്ക് പുതിയ ഇടയൻ : ഫാ. വിജയ പോൾ

വത്തിക്കാൻ: വാറങ്കൽ രൂപതയുടെ അഡ്മിനിസ്ട്രേറ്ററായ ഫാ. വിജയ പോൾ റെഡ്ഡി ദുഗ്ഗിംപുഡിയെ (61) വാറങ്കൽ രൂപതയുടെ പുതിയ ബിഷപ്പായി ലിയോ പതിനാലാമൻ പാപ്പാ നിയമിച്ചു. രൂപതയുടെ നാലാമത്തെ ബിഷപ്പായി അദ്ദേഹം സ്ഥാനമേറ്റു. തെലങ്കാനയിലെ വാറങ്കൽ ജില്ലയിലെ ഗീസുഗോണ്ട മണ്ഡലത്തിൽ മനുഗോണ്ടയിൽ 1965 ജനുവരി 8 ന് ഫാ. വിജയ പോൾ റെഡ്ഡി ജനിച്ചു. 1985 മുതൽ 1987 വരെയും 1988 മുതൽ 1991 വരെയും ഹൈദരാബാദിലെ സെന്റ് ജോൺസ് മേജർ സെമിനാരിയിൽ തത്ത്വശാസ്ത്രത്തിലും ദൈവശാസ്ത്രത്തിലും പഠനം പൂർത്തിയാക്കി. അതേ കാലയളവിൽ, ഒസ്മാനിയ സർവകലാശാലയിൽ നിന്ന് (1987–1990) ബാച്ചിലർ ഓഫ് ആർട്സ് ബിരുദം നേടി. പിന്നീട് ഒസ്മാനിയ സർവകലാശാലയിൽ നിന്ന് (1996–1998) മാസ്റ്റർ ഓഫ് ആർട്സ് ബിരുദം നേടി. അണ്ണാമലൈ സർവകലാശാലയിൽ നിന്ന് (1995–1996; 1998–1999) ബാച്ചിലർ ഓഫ് എഡ്യൂക്കേഷനും മാസ്റ്റർ ഓഫ് എഡ്യൂക്കേഷനും അദ്ദേഹം പൂർത്തിയാക്കി.

1992 ഏപ്രിൽ 2 ന് വാറങ്കൽ രൂപതയുടെ പുരോഹിതനായി അദ്ദേഹം അഭിഷിക്തനായി. ഫാ. വിജയ പോൾ റെഡ്ഡി നിരവധി അജപാലന, വിദ്യാഭ്യാസ, ഭരണപരമായ മേഖലകളിൽ സഭയെ സേവനമനുഷ്ഠിച്ചിട്ടുണ്ട്. ഖമ്മം രൂപതയിലെ സെന്റ് ജോസഫ്സ് പള്ളിയിൽ സഹവികാരിയായും ഹോസ്റ്റൽ ഡയറക്ടറായും (1992–1993); ഏലൂരു രൂപതയിലെ PIME റീജിയണൽ ഹൗസിന്റെ ചുമതലയും സെന്റ് സേവ്യേഴ്സ് ഹോസ്റ്റലിന്റെ ഡയറക്ടറായും (1993–1995); വാറങ്കലിലെ ദേവഗിരിപട്ടണം ഇടവകയിലെ ഇടവക വികാരിയായും (1995–2002); വാറങ്കലിലെ ഫാത്തിമ കോളേജ് ഓഫ് എഡ്യൂക്കേഷന്റെ ഡയറക്ടറും നിയമ പ്രതിനിധിയും (2002–2009); വെലൈറിലെ സെന്റ് ഫ്രാൻസിസ് ഡി സെയിൽസ് ഇടവകയിലെ ഇടവക വികാരിയായും (2009–2015); വാറങ്കലിലെ ലോഡി മൾട്ടിപർപ്പസ് സോഷ്യൽ സർവീസ് സൊസൈറ്റിയുടെ ഡയറക്ടർ (2015–2023); വാറങ്കലിലെ ക്രിസ്തു ജ്യോതി ഇൻസ്റ്റിറ്റ്യൂട്ട് ഓഫ് ടെക്നോളജി ആൻഡ് സയൻസിന്റെ ഡയറക്ടറായും (2023–2026) സേവനമനുഷ്ഠിച്ചു.

2025 ഏപ്രിൽ 5 മുതൽ, ബിഷപ്പ് ഉദുമല ബാലയെ വിശാഖപട്ടണം ആർച്ച് ബിഷപ്പായി നിയമിച്ചതിനെത്തുടർന്ന് അദ്ദേഹം വാറങ്കൽ രൂപതയുടെ അഡ്മിനിസ്ട്രേറ്ററായി സേവനമനുഷ്ഠിച്ചുവരികയാണ്. 2025 ഫെബ്രുവരി 8 ന് ഫ്രാൻസിസ് പാപ്പ ബിഷപ്പ് ഉദുമല ബാലയെ വിശാഖപട്ടണം ആർച്ച് ബിഷപ്പായി നിയമിച്ചതിനെത്തുടർന്ന് വാറങ്കൽ രൂപത ഒഴിഞ്ഞുകിടന്നു.

1952 ഡിസംബർ 22 ന് ഹൈദരാബാദ് രൂപതയിൽ നിന്ന് വാറങ്കൽ രൂപത സ്ഥാപിതമായി. ബിഷപ്പ് അൽഫോൻസസ് ബെറേറ്റ PIME, വാറങ്കലിന്റെ ആദ്യ ബിഷപ്പായി നിയമിതനായി, 1985 നവംബർ 30-ന് വിരമിക്കുന്നതുവരെ സേവനമനുഷ്ഠിച്ചു. 1986 നവംബർ 17-ന് ബിഷപ്പ് തുമ്മ ബാല അദ്ദേഹത്തിന്റെ പിൻഗാമിയായി സ്ഥാനമേറ്റു. പിന്നീട് 2011 മാർച്ച് 12-ന് ഹൈദരാബാദ് ആർച്ച് ബിഷപ്പായി. 2013 ഏപ്രിൽ 13-ന് ബിഷപ്പ് ഉദുമല ബാലയെ വാറങ്കൽ ബിഷപ്പായി നിയമിക്കുകയും പിന്നീട് 2025 ഫെബ്രുവരി 8-ന് വിശാഖപട്ടണത്തേക്ക് ആർച്ച് ബിഷപ്പായി സ്ഥലം മാറ്റുകയും ചെയ്തു.

24,702 ചതുരശ്ര കിലോമീറ്റർ വിസ്തൃതിയുള്ള വാറങ്കൽ രൂപതയിൽ തെലങ്കാനയിലെ വാറങ്കൽ, കരിംനഗർ എന്നീ ജില്ലകൾ ഉൾപ്പെടുന്നു. 78 ഇടവകകളിലായി 85,502 കത്തോലിക്കാ ജനസംഖ്യയുള്ള ഈ രൂപതയിൽ 92 രൂപതാ വൈദികരും 187 സന്യസ്തരും 650 സിസ്റ്റേഴ്‌സും സേവനമനുഷ്ഠിക്കുന്നു.