వైసీఎస్ – వైఎస్ఎం విద్యార్థులకు టీసీబీసీ యువతా విభాగం ఆధ్వర్యంలో నాయకత్వ శిక్షణ కార్యక్రమం

హైదరాబాద్, జూలై 30, 2026: తెలుగు కేథలిక్ బిషప్స్ కౌన్సిల్ (TCBC) యువతా విభాగం ప్రాంతీయ కార్యాలయం, తెలుగు కేథలిక్ యూత్ మూవ్‌మెంట్ (TCYM) ఆధ్వర్యంలో వైసీఎస్ (YCS), వైఎస్ఎం (YSM) 9వ, 10వ తరగతి విద్యార్థుల కోసం రెండు రోజుల నాయకత్వ శిక్షణ కార్యక్రమాన్ని జూలై 29, 30 తేదీలలో హైదరాబాద్ ఖైరతాబాద్‌లోని ఏ.సి. గార్డ్స్‌లో ఉన్న హోలీ మేరీ హైస్కూల్‌లో విజయవంతంగా నిర్వహించింది.

"క్రైస్తవ విలువలు, జట్టు భావన, నాయకత్వ నైపుణ్యాలు మరియు సంఘ సేవా స్పూర్తితో విశ్వాసపూరితమైన, బాధ్యతాయుతమైన సేవక నాయకులను తీర్చిదిద్దడం" అనే అంశాన్ని ప్రధాన లక్ష్యంగా చేసుకొని ఈ శిక్షణ కార్యక్రమాన్ని నిర్వహించారు. "విశ్వాసంతో నాయకత్వం వహిద్దాం – ప్రేమతో సేవ చేద్దాం – ఆశతో ప్రేరణనిద్దాం" అనే నినాదంతో కార్యక్రమం కొనసాగింది.

ఈ శిక్షణలో టీసీబీసీ యువజన కమిషన్ ప్రాంతీయ యువజన డైరెక్టర్ ఫా. మేడి స్లీవరాజ్, ఎస్‌డీబీ మరియు హైదరాబాద్ అగ్రపీఠం యువజన కమిషన్ ప్రధాన కార్యదర్శి ఏ. జెస్నీ మేరీ  రిసోర్స్ పర్సన్ గా పాల్గొన్నారు.

ఫా. మేడి స్లీవరాజ్ విలువలు మరియు నైతికత, ఒత్తిడి నిర్వహణ, సామాజిక మాధ్యమాల బాధ్యతాయుత వినియోగం వంటి అంశాలపై విద్యార్థులకు అవగాహన కల్పించారు. ఏ. జెస్నీ మేరీ సమయ నిర్వహణ మరియు సమర్థవంతమైన అభ్యాస పద్ధతులు అనే అంశాలపై చర్చలు, కార్యకలాపాల ద్వారా విద్యార్థులకు శిక్షణ అందించారు.

ఈ కార్యక్రమంలో విద్యార్థుల భాగస్వామ్యంతో నిర్వహించిన సమూహ కార్యకలాపాలు, నాయకత్వ వికాసం, విలువల నిర్మాణం, ఆచరణాత్మక అభ్యాసం మరియు విశ్వాస ఆధారిత ప్రేరణ ప్రధాన ఆకర్షణలుగా నిలిచాయి. ప్రతి సెషన్‌లో విద్యార్థులు ఉత్సాహంగా పాల్గొని తమ నాయకత్వ సామర్థ్యాలను పెంపొందించుకునే అవకాశాన్ని పొందారు.

కార్యక్రమం ముగింపు సందర్భంగా విద్యార్థులు క్రైస్తవ విశ్వాసంతో కూడిన బాధ్యతాయుత నాయకులుగా ఎదగాలని నిర్వాహకులు ఆకాంక్షించారు. ఈ కార్యక్రమం విజయవంతం కావడానికి సహకరించిన హోలీ మేరీ హైస్కూల్ యాజమాన్యానికి, వనరుల వ్యక్తులకు, ఉపాధ్యాయులకు, నిర్వాహకులకు మరియు పాల్గొన్న విద్యార్థులందరికీ టీసీబీసీ యువజన కమిషన్ కృతజ్ఞతలు తెలియజేసింది.

హ్యారీ జాషువా

టీసీబీసీ యూత్ అడ్వైసర్

టీసీబీసీ యువతా విభాగం